¡¡¡Yá tamos en marcha coles XVII Xornaes de la Llingua!!! Si tenéis dalguna idega o suxerencia d'actividá pa meyorar...¡¡Aquí tamos!! ¡¡Bienveníos un añu más!!!

RESERVA NATURAL DE BARAYO

                                                                                                                

    La playa de Barayo ye una playa situada nel occidente d’Asturias, ente los conceyos de Navia y Valdés. Nella tien llugar la desembocadura del ríu Barayo que ye línea divisoria entre los dos conceyos, perteneciendo a Valdés la mayoría de la playa.

    A unos 9 Km al oeste de Lluarca, na desembocadura del ríu Barayo alcuéntrase la espectacular Reserva Natural del mesmo nome de 2500 ha d’extensión y con una gran biodiversidá. Detrás de la playa hai un sistema dunar  pobláu de pinos que protexe a les marismes y al estuariu de la erosión del mar.

    Les llanuras de Barayo tan tapizáes por xuncos característicos de marismes lixeramente salines, mientres que la rasa costera profundamente humanizada, apaez ocupada por una sucesión de praos y tierres de llabor ente les que persisten pequeñes manches de arboláu.

   Una muestra de que tovía esta zona nun sufre la mesma degradación que’l restu del llitoral ye la presencia de llondres nel estuariu.

La vexetación alcuéntrase n’escelente estáu de conservación. El cordón dunar tien en bon estáu les comunidades de dunes secundaries y dunes embrionaries, detrás del cual esiste un pinar de Pinus pinaster.

Na desembocadura del ríu destaquen los carrizales y cañaverales. La esistencia de zones cenagoses permite la representación de alisedes occidentales y alisedes pantanoses.

Nes lladeres que piesllen la desembocadura del ríu domina la serie de les carbayeres oligotrofes galaico-asturianes.

Toes estes especies constituyen un conxuntu únicu na rexión.

Nas dunes blanques o semifixes tan ocupáes por comunidáes yerbáceas altes y denses nes que domina’l barrón acompañada de la llecherina de les playes, el cardu de mar o la corregüela de les dunes, de grandes y llamatives flores acampanáes de color rosáu.

                                                                                                                              

Concursu Da-y a la LLingua

Güei xuntámonos varios colexos pa facer el concursu Da-y a la Llingua pal entamu de les XVI Xornaes.

Pasámoslo perbién cantando, metiéndonos col coche'l maestru, enredando na granxa de Nel, faciendo la operación biquini comiendo lenteyes....

Pa los que nun acertaron entrugues o cancios....NUN PASA NAAAAAA... Tamos pa ¡¡¡¡Aprender!!!! ¡¡¡¡Pasándolo perbién!!!! ¡¡¡¡Y faciendo tremecer a los nuesos queríos y almiraos maestros y maestres d'asturiano!!!!

Dempués d'abondos bufíos, les maestres y el maestru trabaron....y diéronse cuenta que tolos escolinos taben faciendo provechu de la xera. Apaecieron rises, glayíos, bronques, quexíos....pero de lo que se trata ye de xuntanos toos falando n'asturiano.

Entamó a destacar un grupu, que fue tomando ventaya a lo Barça y nun fuimos quien a pillalu. Enfotámonos toos en facer lo de verdá o mentira bien pa sumar puntos y nun falló naide, seguíamos sin pillalos. Pa finar, volvímonos toos cantores a lo Bieber pero sonaba como Karmele, pero eso de rucar puntos na. Ganó'l Santolaya.

Cuntamos repetirlo pal próximu añu, lo del concursu y que gane'l meyor (a ver si ye'l mesmu o non), y pasalu tan bien como esti.

Munches gracies a toos y que'l Pepón vos persiga.

PARQUE DE REDES

¿Quies conocer el Parque de Redes?

Pincha equí y un llobu perguapu va cuntate una hestoria bien prestosa

¿YA LLEISTE'L CUENTÍN?

 NESTI VIDEU PUES VER LES VIESQUES Y REQUEXOS PER ONDE ANDABA'L LLOBU CASÍN

  

 

XV Concursu Mª TERESA GONZÁLEZ -Modelos pa participar-

Equí ta'l modelu de formatos pal concursu. 
Que vos preste.

Open publication - Free publishing - More asturias

Muniel.los

La Reserva Natural Integral de Muniel.los ye un sistema de viesques que medra en tornu a los montes Muniel.los, La Viliel.la y Valdebois, allugaos metanes del suroccidente del Principáu d'Asturies, ente los conceyos de Cangas del Narcea, Degaña ya Ibias. Los sos 55,4 km² conviértenla na mayor carbayera d'España y úna de les meyores conservaes d'Europa. Nel monte de Muniel.los ñaz el ríu Muniel.los, afluyente del Narcea.

Muniel.los declaróse Reserva de la Biosfera pola UNESCO nel 2000, polo que les visites han tar autorizaes pola Conseyería de Mediu Ambiente, permitiéndose un máximu de 20 visitantes per día, pesllándose a les nueve la tarde. Tamién ta dientro'l Parque Natural de les Fuentes del Narcea y del Ibias.

Si daqué carauteriza a Muniel.los ye la so abonda vida vexetal. Magar que la carbayera ocupa la mayor parte de Muniel.los (sobre too de la subespecie albar), contramás xubimos d'altor alcontramos viesques de fayes fasta los 1.400 m, au se sustitúi por bedulios.

Abayurando la biodiversidá vexetal de la viesca,xorrecen tamién cafresnes,berizos, argañes, artos, y, sobre tóu, miruéndanos, varies especies d'herbáceas, felechos, moflos yalíquenes.

Nos sotos y arriegos medren fresnos, ablanales,  pliéganos, umeros y salgueres.

Biodiversidá n'Asturies - Flora

Esti material de baldre ye pa trabayar la flora d'Asturies tantu los escolinos como los más talluducos. Que vos preste.

Open publication - Free publishing - More asturiano

By Santiago Cubillas

Biodiversidá n'Asturies - Fauna

Esti material de baldre ye pa trabayar les viesques tantu los escolinos y como los que ya nun lo son. Que vos preste

Open publication - Free publishing - More fauna
By Santiago Cubillas

Muniellos

Tien abondos requexos fuidizos y máxicos. Tenes qu'atopar dalgunos llagos o llagunes perguapas al amanecerín.

By Santiago Cubillas

Viesca de Peloño

Comparae la mesma viesca en dómines diferentes:

By Santiago Cubillas

Vega d'Orandi

Asitiada nel Parque de la Montaña de Cuadonga -Parque Picos d'Europa-. Si tenes ocasión visitala pa llegar al amanecerín...  ye una de las meyores esperiencies de la mio vida. Pa colar hasta ellí tenes que pasar per viesques de cuentu.

By Santiago Cubillas

Fayeos nel monte Saperu.

Les nueses viesques, les asturianes, son poco conocíes. Güei traigovos daqué perguapu. Asitiase nel conceyu de Casu, nel Parque de Redes na ruta del Tabayón del Mongallo. A ver si vos presta.


Bosque de Saperu (Parque natural de Redes) Asturias from correcamins on Vimeo.
By Santiago Cubillas

CASCAES D'ONETA

Hola a toos, el mio nome ye Occi, nómome asina porque vivo na parte occidental d’Asturies, nel conceyu de Villayón. Soi una xana y toi equí pa que conozais el sitiu onde vivo.
Vivo na última de les cascaes qu’hai nel ríu Oneta.
Les cascaes d’Oneta tan situaes al llau d’un pueblu que tien esi mesmu nome, siguiendo’l cursu del ríu llegamos a la primera delles: FIRBIA, ye la mas guapa y prestosa de les tres, tien 15 metros d’altor y  n'época de lluvies y ñeve baxa con caudal asgaya, faciéndose muncho más vistosa. Llegar hasta ella ye perfácil, síguese un caminín pela viesca y llégase a la parte baxa de la cascada. Déxovos equí la semeya pa que nun penséis que soi una esaxerada diciendo que ye de los más guapu qu’hai.

 

Siguiendo'l ríu per un camín, en pasando al lláu d’unos molinos, llegamos a la parte alta de la segunda de les cascaes: ULLOA, ye más piquiñina que la anterior, pero guapa ye un rato tamién, y amás casi ye meyor que nun seya más grande porque lo normal ye ver esta cascada dende arriba, y si fora más alta daría munchu mieu (que ya da bastante…). Pa baxar a la parte baxa d’esta cascada hai que alloñase un poco’l ríu y volver al senderu, baxando per unos campos, y si ye branu y ties ganes, pues bañate nel charcu que forma al pie la Ulloa, yo faigolo delles vegaes cuando nun hai xente que me moleste.
Esta ye la semeya:

Y per último ta la cascada onde vivo yo, la cascada más escondida, la MASEIRUA, ye perdifícil llegar hasta ella, mui poques persones lo consiguen. Y aunque lleguen nun me ven, porque vivo detrás del agua, onde ye imposible que me busquen, nun lo vayais diciendo ¿eh?. Equí vos dexo la semeya que fizo una de les poques persones que llegaron, si buscais más semeyes delles poco vais alcontrar, probai, probai.

Despídome de vosotros hasta la próxima vegada que a ver si vuelvo pa contaros la historia d'un cuélebre que conoci fai tiempu. Ta otra.